بن قطمان

[align=center]الاخوان الكرام اليوم اقدم لكم
بدع وجواب جراء بيني وبين الشاعر الكبير
مهدي بن سالم الكازمي الخليفي
والذي سبق وان ترشح ضمن 100 شاعر من مسابقة شاعر المليون
الاخيرة
وابدا لكم بقصيدة الكازمي البدع[/align]
[poem=font="simplified arabic,6,blue,bold,normal" bkcolor="white" bkimage="" border="inset,7,darkred" type=0 line=1 align=center use=ex num="0,black"]
ياحيدرة بعد ذكر الله=والحمد والشكر والعرفان
سلام ياشاعر المعنى=يامتقن القاف والأوزان
ياطارشي شل ماقلته=وركب على وارد البهوان
شف القبايل ورغبتها=في دق سلفه وف الونان
ونان جيره على الريوس=يطرب بتصفيره الآذان
حسبي على ثقل ماطورة=وحسبي على خفة السكان
فيه التصاميم خطوها=سبعة من أكالة الديدان
سته مراجيج والسابع=دكتور في مصنع اليابان
بو رفرف البيج مقصودي=ماهمني باقي الالوان
بناتي اللون ماحبه=خله لحلاقة الصنفان
لا ركبوا فيه دبدوبة=ركّبت في موتري شيئان
شاخوف روسي بناظوره=ورجّال دايم وهو زعلان
لا يعجبه وضع أمتنا=ولا بحال اليمن فرحان
عنده حياته كما موته=وان مات ماهو بشي خسران
ياطارشي ذاعت النشرة=في قير ون والخبر عنوان
ياللي تبا شاص عالزيرو=ان كنت للمشيخة طربان
وان كنت محسوب فالهدة=ماترهبك غارة العدوان
لايسبقونك عرب شبوة=هلال ورجال بن سرحان
أو يام او سعد او حمير=وجيوش عولق وبن نعمان
وكندة وبلعبيد اللي=حلان عرما وفي جردان
هم يعرفونه ويغلونه=ويفضلونه على الكايان
ياطارشي شغلة غبشة=وان قلت يارب يارحمن
من وادي العز مسراحك=وادي خمر مرهب العدوان
وعبر على مفرق الضلعه=وتالي تياسر قدا حبان
ذياه ياطارشي خطك=عالغيل وغرير لاعزان
ويجيك باعرام والريدة=والعين ذي كلها كثبان
وعاصمة حضرم وسيؤنه=وشبام وتريم والوديان
ياست ساعات يا أكثر=باتخرجك من بلد عدنان
وقبل الحدود العمانية=خل البلاجيك للرميان
ممنوع والقات ياطارش=ممنوع في دولة السطان
خذ الف كيلو ولو زادت=ميتين لاتفقع الشكمان
ياطارشي خفف السرعة=لاجيت لاحد بو سلطان
خليفة الوالد القايد=الشهم و العارف الفهمان
شيخ العرب زايد القدوة=بالمختصر زايد الانسان
باتنشدك عسكرالدولة=ذي حطهم مطعم الجوعان
لا قالو منين؟ خبرهم=قل جيت من دولة الإيمان
لي مصلحة في بلد زايد=وبعدها باغادر الأوطان
بيعبرونك بلا رشوة=من دون ذلة ولاحقران
بآدابهم وابتسامتهم=ماهم كما عسكرالشيطان
اكّالة الرطب واليابس=غبران عسكر علي غبران
ودخل على طول لاتنشد=لما تجي لوحة الفنان
مكتوب بوظبي واتبعها=من بعد دوارة الغزلان
سبعة وعشرين بالكيلو=واليحر بيجيك في ليمان
وانته تيامن مع اللوحة=وقل لك الحمد يامنان
والألف مسكن معد تغبى=وانشد على مكرم الضيفان
ولاخرج حيدرة قل له=سلام لك ماطره هتان
معي رسالة ود مرسلها=مهدي الخليفي لبن قطمان
عنوانها في بدايتها=بيتين لك يارفيع الشان
علومكم ياعرب زايد=بغيت من علمكم تبيان
وأنا علومي كلها زينة=سكون ماهزت الأغصان
ياحيدرة بنشدك وانته=جاوب نيابه عن الشعلان
قل له إذا يوم لاقيته=وش به على خورة اليتمان
والواجب إنه يكرمها=من واجب البر والإحسان
والضيف ذي جاك متعني=وراك ياصاحب البستان
وراك قاسمته الكسرة=وهي كما كسرة الرعيان
جايع وله حق يوكلها=وحدة ويطعم بها الزقران
قالو بني العم تتناصح=وانا على حالنا شفقان
وهذه نصيحه تقبلها=من قلب مخلص معك ولسان
لا تكاثرت شلة الباطل=ولقوا لهم بهرجة وإعلان
ملزوم تبرأ وتتبرى=مادمت مسلم ولك قرآن
واكبر براءة من الشيعة=ذي حرّفوا مسند الشيخان
حتى ولو دقّوا امريكا=وجيوش باراك في لبنان
ذولا معادين للسنّة=قالوا لهم يد في عثمان
وعايشة أم من عاشوا=على التقى محسنين احسان
زوجة نبي هذه الامة=وبنت من كان ثاني اثنان
قالوا عليها وسبوها=بالافتراءات والبهتان
واحذر من الشرك ياحيدر=لا تسمع اتباع بن تيجان
السارف اللي بنى قبرة=قبة وقرب له القربان
يدعي ولا يسمع الميت=ولا سمع ماناوله فنجان
لوصاحبه ينفعه قادي=ماراح لحمه مع الديدان
باندخلك في سياستنا=حتى ولنته من الظبيان
ذي عمروها على السبخة=ولقوا بها شامخ البنيان
ياصاحبي لا تقرب لي=حزني ولا تبعد النسيان
خلوني انسى معاناتي=والهم بنساه والحرمان
باعيش مثل البشر سالي=وبسرح دوامي وانا طربان
احلام هذه تراودنيي=ياليتها واقع الإنسان
ياكيف بنسى مواجعنا=وحروقها عمت الأبدان
شفت الجسد يوجعه راسه=ولاتداعت له الأركان
وشفت اليتيمة عند ميتمها=على قناته تطلب الإحسان
واحنا نقلب برامجنا=مذيعنا والمخرج الفنان
في كل ساعة يروونا=آخر الموضات في لبنان!!
وجابو لنا بنت رقاصة=يالبرتقالة ويا الرمان!!
قالو مراحب بضيفتنا=بنت الشرف بلسم الوجدان!!
قالو لها كيف وصلتي=للمجد هذا بلا عمدان!!
قالت توافيق من لعلى=وشمن توافيق يالعربان!!
ترقص مع الناس عريانة=وتقول ياحظي المليان!!
تنسب لك المعصية يالله=تعاليت يالواحد الديان!!
وقالو لها قبل لألفية=ماقد ظهر قدش الفتان!!
هذا الخلاعة ما رأيناها=إلا مع جيت النصران!!
دقيت والخط ما يمسك=باقول كلمة من الوجدان
وبيتين يبدا بها المسلم=مداخلة با اسفه السفهان!!
عن عهد صدام تنشدها=مرحوكم ياقايد الأركان!!
من بعده السلم مستسلم=والشرق لوسط بلا ركنان
فزعان لادمعتي تسقط=ويشوفها الحاقد الشمتان
وان شافها المسلم المومن=هلت دموعة على الخدان
صبرش على الذل ياغزة=ما باقي الا سنة او تان
والثالثة جات شامية=وش عذر صلخد وتلحودان
ياحيدرة جاك ماقلته=من قول سماحة العوجان
من فوقنا حيدنا لبيض=ومن فوقه الواحد الديان
ان شي معك رد يذهلني=ماشي معي شك في قحطان
بوصيك لو خانك الهاجس=لاتتبع قصة المشعان
مليون بالشات صوت له=والشات مايلحقه حسبان
لو حط ثقله على الدوحة=ماظنتي ترجح الأوزان
والختم صلو على الهادي=صلاة تعرض عليه الان[/poem]
[align=center]وهذا جواب بن قطمان على قصيدة
مهدي الكازمي
اقووول فيها[/align]
[poem=font="simplified arabic,6,red,bold,normal" bkcolor="white" bkimage="" border="groove,7,green" type=0 line=0 align=center use=ex num="0,black"]
يامرحبـا مالمـا البـارق=واعداد ماحنـت الرعـدان
ترحيب بالعانـي الطـارش=ذي قد توصل من الوديـان
ترحيب ماله طرف عنـدي=ترحيب ياشيـذر الرميـان
ترحيب بالكازمـي مهـدي=يامرحبـا رشـت الامـزان
وسـال منـه خمـروحـده=وامست سيوله كما المعيان
والشعرمنـظـوم قدجـانـا=عمود وافي ولـه عمـدان
يامرسلـي شـد عصريـه=في ضهرلكزس مـع الاذان
جيـره تماتيـك بالخمسـه=شغل على جهـاز ماجـلان
تسعيـن كيلـو تقاربـهـا=تعبر بني يـاس عالايمـان
وخـذ بهاغـرب لاترجـع=واعبر على طريف والحلان
بتمـر بينونـه الظـفـرة=على يسارك مـع حبشـان
والسـلـع لازال قـدامـك=والحضرفيهامـع البـدوان
مركـز الامـارات قدامـك=واسم الغويفات له عنـوان
مكلتـك فوقهـا الليـسـن=سجل ملخـص بالستبيـان
وبعدهـا سلـم اجــوازك=وانته مكانـك ولا تشتـان
عيـال زايــد يعـزونـك=وكل شـي عندهـم ميـزان
زايد على النصـح علمهـم=واليوم في ظل بو سلطـان
وادخـل بـلاد السعوديـه=ارض الرسـالات والاديـان
سلـم جـوازك واوراقــك=وابشربتخليص واستحسـان
وبعدهـا تمـن المـوتـر=اسبوع او شهر او شهـران
قبل المحطه على اليسـرى=خمسين كيلو على العـدان
فيـه استراحـه تلاقيـهـا=جنب وعوذ مـن الشيطـان
بعد العشاء شد في خشمـه=واعبر حرض والقمر ما بان
والخـرج بتكـون قدامـك=وانشد على فندق البستـان
واحرص مقامك يقع بـدري=وقــول يالله يـارحـمـن
بعد الفريضه علـى مهلـك=درب السليل مـع القيعـان
تضوي شـروره ولاتهتـم=كلن يبـا يكـرم الضيفـان
فيها العبيدي مـع الكنـدي=فيها الهلالي ومـن سيبـان
بيضيفـونـك ولاتجـلـس=درب الوديعـه مـع الاذان
تخرج من ارض السعوديـه=والراس مرفـوع للفـردان
والهم ينزاح مـن صـدرك=ما دام جيبـك لهـم مليـان
خمسيـن بالـود عبـرهـا=وأبشر بخدمه بـلا نقصـان
وبعد مـا تمـن اللكـزس=وادفع اجورك لبن سنحـان
با تعبـر العبرفـي ساعـه=وقهوتك عنـد بـن عيفـان
واجلس ولا بـاك تستعجـل=غداك مقلي مـن القعـدان
والقـات موجـود قدامـك=اشكال ياصاحبـي وألـوان
بندل من القـات ذي فاخـر=والماء وغرشه من الرمـان
وبعدهـا تتـجـه قبـلـه=طريق سمحه بـلا عنـوان
خل الجبل دوب عاليسـرى=والعصر في شبوة الفرسان
خل الشبيكه علـى اليمنـى=والعاصمه موطـن الغـران
حد الخليفـي قـدك فيهـا=الحاضنه تحضن الشجعـان
واعبر مـع الخـط طوالـي=عتق تركها علـى الايمـان
مقصدك وادي خمر وحـده=تحت الجبل شامخ الفـردان
بتشاهـد احصـون مبنيـه=بالطين والـودف بالعيـدان
وابيوت بالنـاس معمـوره=رجال فيهـا علـى العـدان
لو جيت مهمـوم تتناسـى=تنسى همومك مع الاحـزان
وانشد على المهتجس مهدي=ذي يبدع القـول والقيفـان
قله سلامـي لكـم واهلـك=واحمل معي رد بن قطمـان
بدخـل بتفصيـل عالمعنـى=لا قد حضر جيشي الدحـان
في بحـر سيـلان بالبحـر=باطلـع الـول والمرجـان
تشكي من الوقت واهوالـه=دنيا ولاهي علـى العـدان
الظلـم فيـهـا ويتكـاثـر=والقهر والفقـر والطغيـان
كلن وراء المصلحه يسعـى=ولا يهمه عشـاء الجيعـان
والشرك مانا من اصحابـه=الحـمـد لله عـالايـمـان
امشي على الهدي يامهـدي=والمصطفي كسـر الاوثـان
والشافعي مذهـب اجـدادي=والبسمـلـه اول الـقـرآن
من زان دربه فـي الدنيـا=درب السلامه معـه يـزدان
يحفظ لسانه مـن الغلطـه=والزور والكـذب والبهتـان
ويتـرك اللغـو والنـمـه=يسلم لسانه مـن النقصـان
واسميت في مذهب الشيعـه=في كربلا شرحهم وآيـران
واخوانهم في جبـل صعـده=واخوه لهم في جبل لبنـان
ولا سلـم منهـم مسـلـم=بوبكر وعمر مـع عثمـان
تفكيرهـم كلـهـم مبـعـد=يقضون عالـدار والحـلان
والغـرب لـولا مصالحهـم=والله ولا يرحمـون انسـان
انظر لغـزه وهـي تشكـي=وين الرجاجيـل والفرسـان
راحو وقد راحـت النخـوه=كلن يفكـر بمـا قـد كـان
غزه ولو تحـذف النقطـه=عزه وهي عـزت الاوطـان
لا مـا ولا كهربـاء فيهـا=والخبز خلص مـن الدكـان
في الارض مدفـع ودبابـه=وفي السماء ترشن النيـران
هـذا مقـدر علـى غـزه=وعلى العراقي وعالشيشـان
والقاعده ويـن مـا توجـد=فـي الهنـد ولا بباكستـان
وين العدالـه فـي الدنيـا=مطلوب يا ريس السـودان
وبوش يقتـل علـى كيفـه=ماهو محاسب على ما كـان
بو زيد قد مات يـا مهـدي=يوم الفرس تدخل الميـدان
جـاء للزناتـي وهوواقـف=وخالـط اللحـم والعظمـان
واليوم صيته معـك باقـي=باقي ويمشي مـع الازمـان
يالله يــارب ترحـمـنـا=يارب جارك مـن الجيـران
من شان باشـوف بستانـي=وانته معي تزرع البستـان
هـذه نصـايـح تقبلـهـا=من قلب ما يعرف النسيـان
يذكر صحابـه فـي الدنيـا=باللطف والجود والاحسـان
بجلس مع اهل الصفى ساعه=والشعر يصلح لصوت الدان
يرددونـه فـي المسـمـر=يسمع له الطفل والشيبـان
والنـاس لا قلـت غلطانـه=الله بايـهـدي الغلـطـان
واليوم قنـوات مـا ترحـم=وتغري الناس في الالـوان
والاتـصـالات قـتـالـه=كلـن يبـا يطلـب الفنـان
قد ضاع عقلـي ومعقولـي=وانا اطلبك ياعظيم الشـان
يـارب عالخيـر تجمعنـا=بجاه الاخـلاص والرحمـن
ولا تـزعـزع محبـتـنـا=وتفـرج الهـم والاشجـان
والديـن يقـوى ويتقـوى=حتـى ولتخالفـت الاديـان
ويسيـر نبـراس بالدنيـاوالامـر للواحـد المـنـان
والناس تسعـد وتتسامـح=وتستقـل شوكـة الميـزان
والامن مطلـوب يامهـدي=الامـن مطلـوب للاوطـان
الغـرب والشـرق يتقـدم=بالثانيه يحسـب الازمـان
شـوف التقـدم بأمريـكـا=شوف التحدي من اليابـان
والصين في خطهـم سايـر=وأيطاليا هـي وياالالمـان
والهنـد لاعـاد تنسـاهـا=وايران جنبـك وباكستـان
كلـن يـطـور ويـطـور=فـي الصناعـات والبنيـان
والبحث عن مصدر الطاقـه=حطو مفاعل فـي الميـدان
وين العرب ويـن يامهـدي=يالله عسى خيـر للعربـان
والختم صلوعلـى الهـادي=يشفع لنا ساعـة الغفـران [/poem][/quote]

للمزيد من مواضيعي

   الموضوع الأصلي : هنا    ||   المصدر : ملتقى الحوار العربي   ||   الكاتب: بن قطمان    ||  مواضيعي

 

فلان بن فلان

صح لســـانكم .. ويعطيـــكمك الف عــافيه

 

بن قطمان

صح بدنك وربي يعااافيك يافلان بن فلان