تابعنا على التويتر @hdrmut

ملتقى حضرموت للحوار العربي


العودة   ملتقى حضرموت للحوار العربي > ملتقى الشعر الشعبي

الملاحظات

رد
 
أدوات الموضوع
قديم 13-02-2005, 01:05 AM   #1
صلاح الدين الغزال
كاتب جديد
 
الصورة الرمزية صلاح الدين الغزال
 
تاريخ التسجيل: Feb 2003
المشاركات: 78
صلاح الدين الغزال is an unknown quantity at this point
Post قصيدة عندي حكاية للشاعر الليبي الكبير بوبكر رابح المغربي

أيها الأصدقاء أخترت لكم هذه القصيدة من الشعر الشعبي في ليبيا وأتمنى أن لا تكون صعبة اللهجة وهي للشاعر الليبي الكبير بوبكر رابح المغربي:
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
عندي حكاية يا بحر كاميها .. أمفيت انت ما عندي لمن نحكيها
حكاية غالي .. عدّا وخلالي سمور ليالي
هو غاب وانا زاد غاب دلالي .. وخلا العين ديما منفلت ماقيها
يمين حالفه ما عاد تالف والي .. رضيت الياس وياسها راضيها
لا لها عدو ولا عاد تريد غوالي .. رصيد م الكواين عزها يكفيها
ولا تريد ضحك ولا تريد تسالي .. تعشق الحان الياس وتسليها
يجتمعو مع نسمة الليل التالي .. عطاشنه اتجيه وكاسها يسقيها
ولمباكر تنوض مهوطه وتخالي .. مفعوله قوي بالحيل ومقسيها
ونا يا بحر تميت كاره حالي .. لا عرفت ننهاها ولا نرخيها

حكاية ياسي .. الطايل اللي منه اكبر وسواسي
على اثر موح مستاصل ابقي مجلاسي .. صعب مع اللي قعدته شاهيها
والوقت جرني جرة زعيم سياسي .. دخلني دروب ضلال ما نبيها
واعدمني الثقة في قرايب ناسي .. كامي عليها ما لحد نشكيها
علي صغر سني ذقت مرّة كاسي .. مفطوم ع الكواين فرحتي ناسيها
ولا ارضيت لا نرضى نواطي راسي.. الدنيا سواء عندي الله ناشيها
ولا نقترب م اللي كبار كراسي .. عصران نفس خالقها الله يغنيها
وحتى ان كان هو بايد حديده فاسي .. جبال دنيتي لازم انخش عليها
يا نموت فيها يا يصير خلاصي .. ونلقى اصحاب عقول ونغاليها
وما خانّي صادق معاي احساسي .. متوقع بشاير خير مستوحيها
ايجي يوم ونثور ضد افلاسي .. ونركن قوانينه ونستثنيها
وتسمع بعد سكتة اصوات اجراسي .. تعلن لحظة فرح متمنيها
وانت يا بحر للصوب فيك مراسي .. لازم ابواخر العاشقين اتجيها
وانت سبب عله وفيك مآسي .. يصيرن امغير الموج يمحا فيها
ونا علي شطك نفض اكياسي .. حكيت لك بقصة للنجوم ارويها

انزاحت داره .. اليوم يا بحر عني عزيز توارا
عدّا وخلا ف الكنين اشاره .. مرسومة وما اساع صار ما يمحيها
ولنظار تمن حايسات سماره والنفس شارها قعده مع غاليها
تناوض على غفلات لوعة ناره .. ونصبي بحيل جهدي ونوا طيها
اووين ما درست القيتا منهاره .. افكاري قديمة بذكره ارابيها
وقعة خواجه في عرب قمّاره .. علايل وهم وياس متكفيها
وقعت بينهم وانست كل اخباره .. الغالي وتمن هن اسباب التيها
وانت علي شطك هناك مناره .. ترشد التايه من بعيد ايجيها
صلاح الدين الغزال غير متواجد حالياً   رد مع اقتباس
رد

مواقع النشر

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة الشاعر الكبير ابوهند حسين الحمري مرسله للشاعر ابورعد القطنه الحجاجي سحر القوافي ملتقى الشعر الشعبي 6 09-10-2006 06:57 AM
الشيخ .. قصيدة للشاعر الكبير محمد محمد الشهاوي د. جمال مرسي الساحة الأدبية للشعر العربي الفصيح 9 23-09-2005 11:55 PM
هذه قصيدة خاصة للشاعر الملتقى الكبير ابوعلي قال: شيخ سيئون الطويلة الساحة الأدبية للشعر العربي الفصيح 4 15-06-2002 08:49 PM
قصيدة رائعة للشاعر الكبير المعلم محمد صالح باحفي aaalwazeer الساحة الأدبية للشعر العربي الفصيح 0 07-01-2002 10:51 AM

أضف ايميلك هنا لتصلك مواضيعنا يوميا:

Delivered by FeedBurner


جميع الأوقات بتوقيت GMT +3. الساعة الآن 08:49 PM.


Powered by vBulletin® Version 3.8.8
Copyright ©2000 - 2014, Jelsoft Enterprises Ltd.
هذا الموقع يتسخدم منتجات Weblanca.com
new notificatio by 9adq_ala7sas
جميع الحقوق محفوظة لشبكة حضرموت العربية 1999 - 2009م
ابشر