تابعنا على التويتر @hdrmut

ملتقى حضرموت للحوار العربي


العودة   ملتقى حضرموت للحوار العربي > ساحة الصداقة والفكاهة

الملاحظات

رد
 
أدوات الموضوع تقييم الموضوع
قديم 04-12-2006, 01:50 PM   #1
الغــــ العذب ـــرام
كاتب جديد
 
الصورة الرمزية الغــــ العذب ـــرام
 
تاريخ التسجيل: Aug 2006
المشاركات: 28
الغــــ العذب ـــرام is an unknown quantity at this point
افتراضي هايبر بنده

المقدمة :

يقول الشاعر : "كل ما نسنس من الغربي هبووووب .. حمّل النسمه سلام "
وانا اقول : " كل ما نسنس من الغربي هبوووب .. قلت صكو الدرايش جاكم غبار" << طرّاه ان الشاعر يعيش في عالم ثاني..غير عالمنا ( انحن يا العاااميين ) وان أعذب الشعر أكذبه..!

ويستمر الشاعر في خياااله ( بغيت اتهور واقول خباله ) .. ويقول : وان لمحت سهيل في عرض الجنووووب .. عاانق رموووز الغرااااام ..؟!

واستمر انا في شطحاتي من مبدأ ( كلّن على همه سراا ) .. واقول : وان لمحت سهيل في عرض الجنوووب ... قلت لعيالي ولمو الثلاجة وعلب البلاستيك ترى الرطب بتصير باخو البلاش .. وبيجي وقت الصيد والطيور والبراد في الليل.. وبيهظلون المساافرين .. وبتصير شوارع الرياض مثل شوارع عرفات وقت النفره (صورة مراهق يناظر في المرايه .. يحسبنا نحتسي عن ذا النفرة اللي في خشته)؟! <<< على طاري ذا النفر وحبوب الشباب الله يعظّم أجر ذا المراهقين والله يابعضهم ان وجه ينقلب صفحه مكتوبه بطريقة برايل (للعميان فقط)؟!

اللي ابي اوصل له يا اخوان ويا اخوات .. ان عيشتنا مهيب سواء ولا هوب كل ما هم بعض الناس .. يهم البعض الأخر ..!! ولاهوب كلش نسمعه او نقراه .. نقول عنه صحيح وثابت ونقدر نعممه على الناس كلها .. ( حتى خنبقتي االحين ممكن تكون مجرد خربشة في جدار الصمت ) << وين الأديب الأريب ..ابو رويشد يقتبس مني شوي حتسي ..!!

وعشان اثبت لكم كلامي .. هذي سالفة (غير صالحة للنشر ) ومع هذا بكتبها لكم .. لعل الله أن ينفع بها ؟!



الموضوع:

قدّر الله علي .. ورحت اتسوّق في "هايبر بنده" اللي جنب مكتب الخطوط السعوديه بالرياض (على حجاجك الأيمن وانت ماسك طريق الملك فهد ومتجه شمال تبي القصيم ) ؟!<< يقولون اذا بغيت تلحس مخ القرأ .. عطهم معلومه صادقه في شي يعرفونه ويبخصونه عشان تكسب ثقتهم .. ثم امسك بهم خط وابكش على راحتك ؟!


قبل شهرين في الصيف يوم الحر .. حررر .. .. كان الوقت في الليل ومتأخر .. ومع هذا درجة الحرارة فوق الأربعين .. من بواااخ السفلت والمواتر.. ( صورة فلاح هرش يروع الغافلين .. متوذي من الحر .. ويمشي ويسحب وراه قطعة جلد تسنّها مشلح وبر) << سؤال هذا الموضوع : وش ظنّكم لو وطى "وفي رواية دعس" شخص"ن" ما.. على طرف ذا المشلح ..؟! ظنّكم يكوّش جلد الداعس من الروعه ويحسب انه داعسن على بطن ضب ؟؟!

او يغمى على راعي المشلح من الروعه ؟! أو يموت أكثر من "2" مليون متسابق لوظيفة بالمرتبة التاسعة ؟! (صورة باب غرفة خاصة في مستشفى الحمادي عليها تفاافيخ وزبرقه بمناسبة الحصول على الوظيفة)؟!

في هاك اليوم الحاااار .. قدّر الله علي ودخلت سوق ( هايبر بنده ) والله ياجمااعة ان تسنّي داخلن غرفة مكينة صراف .. يالله من فضلك .. برااااااد ... وبلاط نظيف ( لو تنتسب فيه غداك ما احد"ن" يلومك من النظافه)؟! << طرّاه ان الطبقة الكادحه ما يعرفون البراد الا في غرفة مكينة صراف او سوبر ماركت ؟!


وبحكم الغريزة والفطرة والطبع والتطبّع للمواطن العربي السعودي .. كان اول اجراء اتخذه ( أنا ومن هم على شاكلتي ) وفي حالة ( دخول الأسواق المركزية في تالي الليل ) .. هو اني أشغّل حواسي الخمس على (الهاي ليفل) ؟! يعني الحواس الخمس بتصير في حالة استنفار قصوى .. وبتصيرعيوني طايره وتراااوغ تسنّي واحد"ن" يتسذب في سوالف علاقات غرامية ؟!

أو مثل واحدن يفتي في حركة سوق الأسهم والتوصيات وهو ما عنده ما عند جدتي .. واذا غلبت الروم منتب لاقي عنده الا سهمين في بنك البلاد داابلتن تسبده (الله من الدجه بعد في ذا السهم)؟!

وبتصير .. اذاني تسنّها صفحات جريدة يلعب بها الهواء .. كودها تلقط حس ناعم يكح او يعطس عشان أرد عليه ؟! (صورة واحدن يحتري بنت تزلق على ذا البلاط عشان يسمي عليها ويمسكها مع عضدها ويقوّمها وينفض الغبار عن عبايتها مع كل جهه .. وان صادف سحّاب التنوره منفتح .. فلا حرج انه يصكه من باب درء المفااسد ) << هذا اللي تو بينتسب الغداء على البلاط .. الحين يبي ينفض الغبار عن عباية البنت .. الله من زوود الحيونه بعد ؟! ( صورة حرمه تمغط اصبعها على خدها وتقول يااا شيب عيني شيبااااه من ذا العيااالين .. فضحونا عند الأجناااب )؟!

وطبعن فيه حاسة ( نقدر نسميها مجاازاً .. الحاسة الغير مهذبه ) ما يحتاج انك توصيها تشتغل .. لأنها دايم تشتغل بدون تنسيق خاصة في حزّة الصفره .. وأحياناً توهقك وتشتغل قبل ما تحوّل من الموتر وانت تدور موقف عند السوق .. (صورة بزر ملقوف وده يطلع للشارع بس ما يقوى يفتح الباب )؟!

انها حاسة الجوع وما ادرااك ما الجوع ؟! << بابن يجيك من الريح سدّه واستريح ( صورة أعضاء مولمين سكاااكينهم يبون يضحوون بالبنز قبل عيد الضحية ... و.. رد الله كيدهم في نحرهم )؟!

حتى أطرافك تلقاها في حالة استنفار .. تلقى يديك عرقاانه .. وباارده .. و مرتن تلعب بالسبحه .. ومرتن تلعب بالجوال .. وياامااا تشغل وياااما تصك في ذا البلوتوث كودك تصيد نسمة تميلح او عرض من عروض الصيف ؟! << طرّاه وحده سبهه .. الظاهر ان أهلها حاجرينها في ذا الصيف ولا سافرو بها للخارج وخربتها وسوت عرض صيفي رهيب ..!! كاتبه اختنا في الله : دق على رقمي .. واحاتسيك انا وبنت خالتي مكالمة جماعيه ؟! ( حط تحت بنت خالتي خطين .. يا طرش بحر) ؟!!

ولا ننسى برضه ان الجهاز العصبي بيكون في حالة تأهب تاام .. وبتحس ان رجليك من كثر ما جاها من "الإدرانين" ترتعد تسنّها مكينة ددسن منطلق فيه سلك البوجي ؟! << هي اسمها "الأدرانين" والا " الأدرالينين"..؟؟ وإلا انها حقتها ؟!

طبعن الرجلين زااهبه للنحشه في حال توهق الواحد مع " كبلز" من الحزب اليميني المتطرّف المعادي للراديكاليين واللبراليين ودعاة التحرّر والاختلاط والتعارف وجمع الطوابع .. ومكافحة يرقات البعوض في مستنقعات جيزان المصدر الأساسي لمرض حمى الضنك (صورة وزير الصحه وهو يبخ ويرش ذا المستنقعات بنفسه .. والمواطنين مفاصيخ ماعليهم الا وزره وفنيله علاقي .. وما شدوّ من ريال حطوه في قااات أو عرق )؟! << طرّاه ان فيه علاقة بين الأرض ومن يسكن الأرض؟! (صورة ورقة مكتوب عليها نحتاج الي تثقيف وتغيير الناس .. اذا كنا نبي نغير بيئتهم وسلوكهم المؤثر على البيئة )؟!


دخلت السوق .. ولقطت أقرب عربيه .. وقمت اخمّخم من ذا المقاضي اللي مكتوبتن لي في ورقة دفتر ابو اربعين ؟!

وفي ممر المعلبات .. وبينما كنت اقلّب في ذا القواطي ادوّر قوطي صلصه ايطالي الصنع ( فيه حنوطه صبايا ايطاليا ومطعّم بدبس الرطب الايطالي الشهير بطعومته اللي تفضخ الراس ) << صورة نخلة ايطاليه رطبتها شقراء تسنّها قارورة عسل أزهار الربيع .. وجذعها مايل ويتعطّف تسنّه واحدن يومي بعلم المنتخب .. وفيها نضااارة تقطع القلب تسنّها طماط الخرج منوّل قبل الكيماوي والبيوت المحمية ؟! << ثقافة فلاح يتمنى يرقى على ذا النخله ويجردها من الشوك ثم يفلق كاافورها الين تفوح ريحته .. ثم يلقحها )؟! << طرّاه دورة حياة النخله في كتاب العلوم ؟!

بيني وبينكم قلبت راسي ذا القواطي ( عدو عينك يتحمس ويدور قوطي في سوبر مااركت مثل هايبر بنده ) تحس ان عيونك تقلّب تسنّها وسط غسالة هدوم .. ولا تلقى اللي تبي الين تيبس رقبتك وتغدي تمشي على جنب تسنّك واحدن بيدخل بين الجدار والثلاجة ؟!


ثم اذا لقيت القوطي اللي تبي .. طلع لك في ورقة المقااضي لغز ما تدري وين تجيبه منه ؟!
وفي لحظة اليأس .. يأتي الفرج .. ؟! << تراي اقصد (الصبر مفتاح الفرج) لا يجي مطفوق ويقراها غلط ثم ينقلب الموضوع صفحة محجوبة؟!

جاء الفرج .. وسمعت حس قرقعة كعب عالي لبنت متوسطة الوزن والطول وبدأ لي من حس مشيتها ان فيها حذفه شوي وانها متضايقه .. أو طفشااانه .. وتحس ان الناس كلهم يناظرونها (صورة مرّي تخصص مشي بنات في اسواق) ؟!<< ترى كل ذا من الصوت .. ما بعد جاء وصف الصورة ؟!

تبعت الصوت ...

وفي بالي أغنية عراقية يقول فيها الفنان سعدون جابر.. ( رفعت الصوت أغني .. وأجااااذب فيه ونّه ... على مافي خفوقي .. رفعت الصوت أغني ) ؟!

يوم فااضت علي ذيك البنت ( اللي لا راح بنت .. ولا جاء بنت ) بنت صتز .!!

اول ما تشوفها تظن ان مالها عظام .. من جد ((هبره)) <<< على قولة الشاعر الجاهلي حنظلة بن أسد الكلبي : (( اذا رأيت هبرتون تتبضّع في سوق هاايبر بنده .. اياك أن تتميلح وتقول انك طبيب عظام )) ؟!

قربت منها وبكل لطف ودماثة خلووق .. مديت لها ورقة المقاضي اللي معي وسألتها بالله ممكن تسااعديني في حل ذا اللغز .. وش معنى (سبرنق رول) ؟! << ماحديتوني على الحلف ان منول احسب السبينق رول ماركة سرير أو جهاز تخفيف وزن؟!

وكنت أدعي من كل قلبي انها تكون راعية بخص وتعرف كلش وتهوى المراسلة والتعارف .. وتعرف وش ذا السبرينق رول اللي حوّم تسبدي .. وتاخذ وتعطي معي في الكلام وتوصف لي ذا الشي اللي ما عرفته وانا استكمخ واسوي نفسي ما ادري عن شي عشان اطوّل معها في الكلام (( وهــ بس .. يملح حتسيات البنات وسوالفهن بشرط ما يجيبون طاري ستار آكادمي ولا حقوق المرأة )) !!

.. وياليتها بعد تتحمس وهي تشرح لي وتشر بيدها وتحرك ذرعانها شوي ( أقل شي اقدر أحدد مفاصلها.. ياناس من يصدق ؟! عجزت أعرف محل كوعها لا فيه أثر لون ولا حد فاصل بين العضد والذراع ؟! تووف ماشاء الله لا اله الا الله .. يدها تسنّها نجفه فيلبس 220 فولت )

والله ياااهي لحمه صتز تحس ان ساعة يدها تذوب في ذراعها تسنّها ملعقة سمن وسط بادية جريش حاااار توه منتسووب ( هذا اذا قالك الوصف من البيئة ) !!


خذت الورقه مني وعرفطتها وحطتها في شنطتها ؟! ثم قالت : ممكن أخذ من وقتك دقيقه ؟
ههههههه تصدقون بغيت اتهور واقول ..لا ..!
قلت : اذا دقيقه معليش..( تخبرون أخاف اتحمس وأعطيها ساعه .. ثم ينقطع الاتصال كما هي عادة الانترنت في وطننا الغالي .. ثم من يكمل لكم الموضوع )؟!


قالت : انا اختك في الله ( يعني شيل الأفكار اللي في راسك ولا يكثر )؟!
من (لبنان) وأعيش في الرياض في حي (غبيره) وما عندنا ايجار للبيت واخواني واجد .. وحالتنا تصعب على الكافر .. وانا جايتن هنا أدور ما عند الله (زكاة .. صدقة .. احسان) << على طاري احسان ... من يذكر احسان صادق ذاك الممثل اللبناني اللي اذا حتسي باللغة العربية الفصحى ما ودك يسكت ابد ؟! بعكس حسام اللي ممتحن ام اللغة العربيه وماغير يلعب في الحانة بلياااردو ( صورة وجه كااتم الضحكة ويقول حلّلني تكفى يا شرشبيل ) !!

عاااد انا اعرف نفسي .. أخور اذا سولفت مع طراره شهباء داابغتها الشمس.. وشلون عااد اذا صارت طراره (فول أوبشين) ..وفي هيابر بنده وبراااد ويالله من فضلك ؟!

قسم بالله بغيت أعطيها بطاقة الأحوال من الحماس ؟!
عطيتها اللي في (بوكي) كله ؟!
يوم أقفت و ( راحت مشت .. وعيوني تتبعها .. وعيوني تتبعها .. يرضيك يااشوق تناظرني وأناظرها .. يرضيك ياااشوق تناظرني واناظرها .. يرضيك بالبعد .. تطالعني واطاالعها .. آه .. آه ) << عليه من الله ما يستحق ابو نوره .. تسنّه واقف جنبي ذيك اللحظة ؟!


لحقتها وقلت يالغاليه .. انتي بتبتلين كل عمرتس كذا .. ماغير تطرين الناس ؟!
ورى ما تعرسين على واحد مقتدر يسترك ويصرف عليتس وعلى مندوبتس يا شيخه ( تحمس الكاااااش ) ؟!
قالت : مقتدر ؟ كيف يعني مقتدر ؟

قلت يعني عنده دراهم وقوي ويجيب عيال (وجه بن فهره)؟!
قالت : ما عندي مانع بس أهم شي يسمح لي اشتغل في مهنتي اللي احبها ؟!
انا احسبها يوم تقول مهنتي .. انها تشتغل في مشغل أو عندها بسطة خلاقين في سوق الحله .. او تبيع حلاوة شعر وحنّا وخرابيط ؟! اثرها تبي تبتل تطر ؟! ( عليها من الله ما تستحق )!

قلت : لا بالله ربنا وربتس الله ... روحي الله يستر عليتس .. انا لو أخذتس منيب مخليتس في ذا المهنة الشينه .. ولا بااغيتس دامتس بتطلعين من البيت كل الليل وتطرين بعد من زين الطباايع تبين بااتسر عيلاني يبيعون عصافير في الاشارات ؟! والا يرابطون عند مكاين الصرّاف عشان ياخذون نسبة من عملاء الشبكة السعودية ( ما ييزي ان عيالنا يرابطون في مكاين الصراف عشان البراد )؟!

وطبعن هي ما عطتني وجه ولا علّقت .. وراحت تركض ورى زبون ثااني بوكه اكبر من بوكي شوي عقبها لا شفتها ولاقدرت انساها ؟!

شفت يا بو سعد هذي هي سالفة الطراره اللي هبلتني وازعجتك بسوالفي وانا اهذري بها وهذا السبب اللي خلاني ما خذتها وعفتها مع اني كل يوم اهذري بها واقول وهـ منها ومن زين فيها ؟!

( كان كل ذا الموضوع رد على تساؤلات صديقي ابو سعد اللي حومّت تسبده بطاري ذا البنت الزينه وهياامي بها ) ؟!

ما يستفاد من ردي على ابو سعد :

1- اذا صلخك الحر .. ازبن مكينة صراف او سوق مركزي تراه ارخص من السياحة الداخليه والخارجية ؟!
2- بعض مقاضي الحريم ما انزل الله بها من سلطان ( تقلب الراس )!
3- فيه ناس تقدّر الهبره .. بس الهبره ما تقدر نفسها ؟!
4- اللي يطر مره .. يطر مليون مره .!! والطبع يغلب التطبّع ؟!
5- الارواح جنود مجنّده .. وبعض الطرارت ودك تعطيها كلش وتحسف بها على الطرارة والغثاء .. ؟!
6- في هذا الموضوع تم استخدام اسلوب قصصي ينتهي من حيث يبتدي ؟! ويبتدي من حيث ينتهي ؟!
7- تخبرون سالفة الكاس اللي نصفه مليان ونصفه فااضي .. تراه ذا المره مليااان مرررررررررره ... بس بعض العيون الين الحين وهي تراوغ وتتبع الزلّه ..!
__________________
احسب الناس مثلي في طيبي
وعلى نفسي ابديهم



اامنهم وهذا هو عيبي
ومليون مره انصدم فيهم
الغــــ العذب ـــرام غير متواجد حالياً   رد مع اقتباس
قديم 04-12-2006, 02:25 PM   #2
بعشونه
فيني هدؤ الكوونْ وجنونهـ
 
الصورة الرمزية بعشونه
 
تاريخ التسجيل: Aug 2006
الدولة: عالمـي الخــاص
المشاركات: 4,369
بعشونه is on a distinguished road
افتراضي

هــــــــــــــــــــا الموضوع طويل ياريت تلخصه عشان مافيه اقراء اكره القراءة
__________________

وش فايـدهـ اشتـاق لك وانت | تشتـاق ؟
وغيري : نصيبـك : وانت غيـرك نصـيبي
دام النهايـهـ واضحـهـ [ بعــد و فـراق !
شـ الفايـدهـ لا قلـت انـك .. / حبيبـي ؟

[align=left][BIMG]http://www.hdrmut.net/vb/uploaded/54727_01295989201.jpg[/BIMG][/align]
[align=left]شكراً قاسي [/align]
بعشونه غير متواجد حالياً   رد مع اقتباس
قديم 04-12-2006, 03:50 PM   #3
support
ï؟½ï؟½ï؟½ ï؟½ï؟½ï؟½
 
الصورة الرمزية support
 
تاريخ التسجيل: Aug 2004
الدولة: السعودية - جدة
العمر: 46
المشاركات: 31,354
support is a jewel in the rough support is a jewel in the rough support is a jewel in the rough
افتراضي

^
^

تحطيمممممممممم
__________________
اقتباس:
ليس بالضرورة أن تكون عميلا لتخدم عدوّك
يكفي أن تكون غبيّاً .

الشيخ / محمد الغزالي
support غير متواجد حالياً   رد مع اقتباس
قديم 04-12-2006, 03:58 PM   #4
ابو ديفيد
توتولوتو سابقا
 
الصورة الرمزية ابو ديفيد
 
تاريخ التسجيل: Oct 1999
الدولة: في قفص الاتهام
المشاركات: 11,964
ابو ديفيد is just really nice ابو ديفيد is just really nice ابو ديفيد is just really nice ابو ديفيد is just really nice ابو ديفيد is just really nice
افتراضي

هذي اخرة الي مايسمع كلام الوالدين





















يكتب موضوع طوووويل وبعدها يجيه تحطيم
__________________
ابو ديفيد غير متواجد حالياً   رد مع اقتباس
قديم 04-12-2006, 04:20 PM   #5
شامخة بعزتي
كتّاب ملتقى الحوار العربي
 
الصورة الرمزية شامخة بعزتي
 
تاريخ التسجيل: Oct 2006
المشاركات: 6,735
شامخة بعزتي is an unknown quantity at this point
افتراضي

__________________





[grade="00008B FF6347 008000 FF1493 800080"]
خلقـت لـي شمـوخ وهـامـه = ماطالهـا طويلـيـن الانـفـاس
وكونت لي عرش رفيـع مقامـه = مايوصله جن ولا يوصلـه نـاس
ورفعت نفسي فوق هام الغمامـه = اشوف زلات البشر وارفع الراس
واليوم كلن خصنـي بإحترامـه = واللي معاديني بالاقـدام ينـداس
[/grade]
شامخة بعزتي غير متواجد حالياً   رد مع اقتباس
قديم 04-12-2006, 04:34 PM   #6
بعشونه
فيني هدؤ الكوونْ وجنونهـ
 
الصورة الرمزية بعشونه
 
تاريخ التسجيل: Aug 2006
الدولة: عالمـي الخــاص
المشاركات: 4,369
بعشونه is on a distinguished road
افتراضي

شفت ان الكل ماقرا الموضوع واكتفوا بالتعليق
ياريت تسرع بالتلخيص
__________________

وش فايـدهـ اشتـاق لك وانت | تشتـاق ؟
وغيري : نصيبـك : وانت غيـرك نصـيبي
دام النهايـهـ واضحـهـ [ بعــد و فـراق !
شـ الفايـدهـ لا قلـت انـك .. / حبيبـي ؟

[align=left][BIMG]http://www.hdrmut.net/vb/uploaded/54727_01295989201.jpg[/BIMG][/align]
[align=left]شكراً قاسي [/align]
بعشونه غير متواجد حالياً   رد مع اقتباس
قديم 04-12-2006, 05:35 PM   #7
ابو عجاج
من كبار كتّاب الملتقى
 
الصورة الرمزية ابو عجاج
 
تاريخ التسجيل: May 2006
الدولة: įņ ţђę Đŗęąм
المشاركات: 11,304
ابو عجاج is an unknown quantity at this point
افتراضي



موضوع كله لحسه ماكملته
__________________
ابو عجاج غير متواجد حالياً   رد مع اقتباس
قديم 04-12-2006, 09:33 PM   #8
غمزة دلع
الـقـلـب الـكـبـيـر
 
الصورة الرمزية غمزة دلع
 
تاريخ التسجيل: Jan 2006
الدولة: جوار بيت الجيران
المشاركات: 5,474
غمزة دلع is an unknown quantity at this point
افتراضي



ماقراءته
__________________
[align=center][/align]
غمزة دلع غير متواجد حالياً   رد مع اقتباس
قديم 05-12-2006, 12:01 AM   #9
الشبح1
كاتب ذهبي
 
الصورة الرمزية الشبح1
 
تاريخ التسجيل: Sep 2006
الدولة: الوطن العربي
العمر: 31
المشاركات: 1,221
الشبح1 is an unknown quantity at this point
افتراضي

حلوووووووووووووووووووه وخاصتاً هبره

بس مطول الفقش واجد

لا تفقش كثير عشان الملل
__________________
[align=center][/align]
[move=up]
[align=center]لا للـتـهـمـيـش[/align][/move]

[align=center][/align]

[flash=http://www.w7m.org/Oct/1164208802.swf]*****=400 ******=350[/flash]
الشبح1 غير متواجد حالياً   رد مع اقتباس
رد

مواقع النشر

أدوات الموضوع
تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
بنيه طاحت قداام ........ ][ ×انا كول على طول× ][ ساحة الصداقة والفكاهة 10 24-12-2007 09:00 AM
طفل فسطيني يبصق بوجه بوش الجرح النازف..فلسطين الساحة الأدبية للشعر العربي الفصيح 2 07-06-2006 11:40 PM


جميع الأوقات بتوقيت GMT +3. الساعة الآن 05:47 PM.


Powered by vBulletin® Version 3.8.9
Copyright ©2000 - 2019, Jelsoft Enterprises Ltd.
جميع الحقوق محفوظة لشبكة حضرموت العربية 1999 - 2009م