أهداف الموقع

 

 

الموضوع : بعض من قصائد الشاعر سالم سعيد باصره

خلوفة عاد في خاطري اعلى مرتبة تحتل

هذه القصيدة للشاعر العملاق الكبير سالم سعيدباصره وجدتها بين يدي فنان الدان الكبير صاحب الصوت الشجي (المعمور) القصيده جواب على قصيدة الشاعر الكبير الجويد باقديم يرحمه الله والشاعر الكبير حمد باقديم حفظه الله.
كلمات القصيده رائعه جداً جداً فيها غزاره ودقه في التعبير حتى لا اطيل عليكم اتركم مع القصيده

كاتب الموضوع : عنتر مبارك بن فلح العوبثاني  5/8/2007م سقيفة الشبامي

يقول في مطلعها

خلوفة عاد في خاطري اعلـى مرتبـه تحتـل
وشوف الطين فيها مسك و حصاها ذهب ونقود
يحن قلبي ويتشوق لها مـن حيـن  مايرحـل
ويبقى في العذاب السرمدي لما يـرد  ويعـود
ودايم ذكرهـا عالبـال مهمـا هجرنـا طـول
روابطنا بها والانتماء مثـل الـورق  والعـود
وكلاً فـي بـلاده والوطـن معـزوز ومجلـل
بثوب العـز مكسـي والمذلـه بابهـا مقلـود
ومن فارق وطانـه لاذكرهـا نومـه  اتزعـل
يبات اليل ساهـر عافراشـه مايجيـه ارقـود
ونا في البعد سلمت الثمـن مـردوف ومدبـل
خساره في خساره مامعي مكسب   ولامـردود
وعدني باصبـر مـادام عـاد الحـال يتقبـل
وساعة مايتم الصبر خيلـي للسفـر مشـدود
ورزقي عالذي مـن عنـده الرحمـات تتنـزل
وفضله والكرم فالكون ماله منتهـى  وحـدود
اذا بغيت الحقيقه حجـر بـن دغـار ماتحتـل
من اقديم الزمن دون المناطق جوها  معصـود
وفي ساعة مناخه من شتاء لاصيـف  يتبـدل
ومن كثر الوخم كل من مساء فيها صبح مارود
ولـي ماشافهـا بلعيـن يتصـور ويتخـيـل
سكنها بايحقق له مـراده والمنـى  المنشـود
حياة الادمي دايمـاً مـن النقصـان  ماتكمـل
اذا حصلت ماهـا ماتحصـل طينهـا موجـود
ومن عاداتها والطبع تخلـط شهدهـا  بالخـل
ولاصفيت تعكرصفوها ماهي سهـود  امهـود
عسا بعـد المشقـه شوكـة الميـزان تتعـدل
ومن بعدالمساهين الطويلـه نبلـغ المقصـود
وقبل القول موضوعـه يتـم والبـاب يتقفـل
معي اربع كلـم متعلقـه بالحاشـي المفقـود
على العارف تهون المشكله والصعب  يتسهـل
ولي مثلك من اصحاب البصيره والذكا معـدود
ويمشي ثابت الخطوات في المدخال  والمنـزل
ولاقد غاب جاب اللول من قاع البحور السـود
ولاتحتاج غـارك فـي الـذي يعنـاك يدخـل
قطع واقمع لوحدك واستعن بالواحـد المعبـود
عن الاوضاع في رخيه تخبر اهل بـن شحبـل
وعند العامري تلحق خبر من تاربـة  وثمـود
وصلو عد ما الايـات فـي الفرقـان  تترتـل
على مولى الشفاعه والمقام العالـي المحمـود

الشاعر سالم سعيد باصره حرر في 20\11\1426هـ
كاتب الموضوع : عنتر مبارك بن فلح العوبثاني  5/8/2007م سقيفة الشبامي

**********************************************************************************

وهذه جديده و رائعه اخرى من روائع الشاعر الكبير سالم سعيد باصره يقول فيه

اسمعو قول من شاعر بدع في  كلامـه
عا لعروبه معه في الراس نغشه وغيره
لي عليها زمان الهون جارت  حكامـه
واعلن اهداف كانت في الخفا والسريره
بعد ماغيبت روس الرجـال  النشامـه
لي يخلو كسور العظم تصبـح جبيـره
لاوصل سيل كل واحد وقف عاسوامـه
ساعة السقي يسقيها مطيـره مطيـره
واخر القوم في الجاويد مولى العمامـه
لي عصبها على راسه وقاد  المسيـره
في سبيل الشرف والعز هو  والكرامـه
باع ماله وباع الجاه برضـى وخيـره
هيج باداس في الأراض شاعة علامـه
دايما ينذكر فـي كـل قصـه وسيـره
والجمال النفش لي في نواحي  تهامـه
للتمـداح والتمجيـد ماهـي  جديـره
كم وكم من جمل لونه ومنظر  سنامـه
يملي العيـن لاكنـه عيوبـه  كثيـره
عا وطى وانبساط الارض ولفت  قدامه
ماربي في الشوامخ لي طرقها عسيـره
وان جملته يحملك العتـب  والملامـه
فصل سيئون يزقلبه بـوادي  حويـره
يالكـوازم عليكـم باتقـوم القيـامـه
بعد ماغاب شيخ الطائلـه  والعشيـره
باتحسون بلحسـرات هـي  والندامـه
لامست من جبل شمسان تقرح  وصيره
كل محتـال ماضنيـت يبلـغ  مرامـه
بالحيل والمكوده والشـروع القصيـره

 

**********************************************************************************

هذه القصيده للشاعر المبدع سالم سعيد باصره

كاتب الموضوع : طالب  باتيس النعماني  14/1/2005م سقيفة الشبامي

إلاهــي ياوسـيـع الفـضـل وجـزيـل العطـيّـه
ملـك الكـون بيـدك ونـت علـى الأمـه  وكـيـل
سألتـك فـي الحـيـاه الفانـيـه عيـشـه هنـيّـه
وفي يوم القضاء رحمتك والغفـران والوجـه الجزيـل
بحـق مـن نـال فـي جنـتـك درجــه معتلـيّـه
وميّزته بطيب القلب والحـال هـو والخلـق  الجميـل
ســراج اللـيـل ذي جـلّـى ظــلام  الجاهلـيّـه
ونارت منه الدنيا وهـي مـن جهلهـا ظلمـه  وليـل
سلامـي مـن صميـم القـلـب صــادر وتحـيّـه
على موطن ترابه مسـك غالـي مانبـدل بـه  بديـل
كنانـي لا رعــد راعــدة فــي روس النشـيّـه
وضل الراس لاشرقت شموس الصيف من شمس المقيل
مـطـارح تـشـرح الأحــوال وطبيـعـه  نقـيّـه
نسيم الصبح لانسنس مـن الافـات يصقلهـا  صقيـل
وكـم ربـت مــن نـمـاره وهـيـج  دوسـريّـه
إذا تحملن سارن بلفـرح ماهـو برشخـات الصميـل
سكناهـا وعشنـا فـي صفـى خاطـر وطيـب نيّـه
وذقنا حلوها والمر في الحاضر وفـي الـزام  الدويـل
ولكـن كــل مـاضـي ينطـعـم مـثـل البغـيّـه
باالامـه واحزانـه تشوفـه ذا الزمـن مالـه  مثيـل
رعــاك الله يـامـاضـي سنـيـنـي  الأولـيّــه
ويرعى الله ناس عشرتهم قواعدها المـروة والجميـل
علـى الأطـلال ذي صبحـت مـن اهلـهـا خلـيّـه
ذرفنا دمع غالي لو جرى في شعـب بايمسـي يسيـل
لأن الولـف لـه فــي طبعـنـا قيـمـه  قـويّـه
ويبقى في الخواطر عندنا موجود إلـى يـوم  الرحيـل
والـذي فـي الصبـح ماننسـاه لا جـات  العشـيّـه
ومن عاداتنا من مد لنا شمـروخ نزقـل لـه  بخيـل
نعـامـل مــن عرفـنـا بـشـروع  النامسـيّـه
ولازم بايصون الولف والمعروف من شرعـه  طويـل
ورغـم إخلاصنـا جـار الزمـن وقـسـى علـيّـه
ورواني صنـوف الظلـم والتعذيـب ذي ماهـو قليـل
يبانـي عيـش فـي عالـمـة مجـهـول الهـويّـه
ونا معروف مابين العرب لي وزن فـي الكفـه  ثقيـل
ولالـوم الزمـن والـوقـت ولـومـي  والشكـيّـه
علـى الحـض التعيـس ذي يقلـب الشاجـع  ذليـل
وختمـهـا صـلـو عـلــى سـيــد الـبـريّـه
عدد ماسـارت الاعـوام والاجيـال جيـل بعـد جيـل

**********************************************************************************

محاوره من صميم الباديه للشاعر سالم سعيد باصره والشاعرسعيد عمر باتوم المشجري

المرجع منتدى سيبان 05-09-2007, 05:21 PM

 
سعيد عمر باتوم المشجـري السيبانـي
 
معي في كل حاضـر يـوم لـك تجـدد الذكـرى  ×××   ولك ماضي بريح العود والعنبـر يبـن ويفـوح
اذا خفاه الغبـش فـي الليـل يتعمـد ويتجـرى   ×××   على حرمان عيني من كراها ياشقيـق  الـروح
وثـق إن الصداقـه والصلـه تخلـي وتتبـرى    ×××   من النسيان ذي ضره علي المنسي ألم وجـروح
 
******
سالم سعيد باصـره الخمعـي السيبانـي
 
إذا نسيت الوطن بنسـاك يامـن دايمـاً نطـرى  ×××   علي بالي ولي كل يوم من ذكرك عشي  وصبوح
ولك عندي معـزه صادقـه ماحـد بهـا يـدرى  ×××   خلاف اللي في الطوفان قد سيـر سغينـة نـوح
وتمناتي سعيفك كون في المغبـاش  والمسـرى   ×××  ولكن مرتضي باللي تسطر وانكتب فـي  اللـوح
 
******
سعيد عمرباتـوم المشجـري السيبانـي
 
متاع المصلحه والغيد من حب الحجـل مصـرى  ×××   وعشق الأرض ذي فيها بحريه تجـي  وتـروح
وفي تبر البقاع الطاهـره والزبـر كـل مـذرى   ×××   يحالفه النمـو وبسـر نفعـه يرتقـي  ويبـوح
وهذا اليوم ياضـي للوطـن بالخيـر والبشـرى  ×××   وانجازات وجهـود القيـاده والوفـاء الممنـوح
 
******
سالم سعيد باصـره الخمعـي السيبانـي
 
معد باقـي فـي البلجيـك الأ منظـر  المجـرى  ×××   وصيته ذي في الماضي لقـا شهـره لباجنـدوح
ولاشي غير ذلـك يستحـق المـدح  والاطـرى   ×××   وذلآبعضهم بالكذب يبني لـك مـدن  وصـروح
عسى أرض الشرف والمجد يعقب عسرها يسرى   ×××   ويتجدد لها تاريخ خطـه قـد صبـح  ممسـوح
 
******
سعيد عمرباتـوم المشجـري السيبانـي
 
تعلمنا من الماضي ومن كـل درس لـه مقـرى  ×××   وخذنا مـن دروسـه تجربـه مامنهـا مربـوح
خـلاف الويـل ياسالـم وبالآجـدر وبالآحـرى   ×××   تسلم للسياسـه ذي مغانمهـا عمـل ووضـوح
 
******
احمد سعيد المشجري السيباني رحمه الله
 
خرسان اصبحت للفرس وتمتـع بهـا  كسـرى  ×××   وروم أنطاكيه ماشي لهـم فيهـا أمـل وطمـوح
وكسرى فوق أم عياله تزوج له علـى  عـذرى   ×××   ومن حرصـه عليهـا مايخلـي بابهـا مفتـوح
 
******
سالم سعيد باصـره الخمعـي السيبانـي
 
 
من أول قول ماشي يرتغب في ناكـر  العشـرى  ×××   وشرعه دوب قاصر لايغـرك هرجـه المملـوح
لكن المشجري ملقيه فـوق سهيـل  والزهـرى   ×××  ويبغاني على ماسار منـه قـول لـه  مسمـوح
 
******
سعيد عمرباتـوم المشجـري السيبانـي
 
على شان الوفا والوعد في السـراء  والضـراى  ×××   نبادر بالـذي فعلـه يـرد بالنفـع  والمنصـوح
وواحد في الميـه لامـادري غيـره بـذا  أدرى  ×××   وحبه ماتناقص صاع من ذي في الوصر مذلـوح
 

 

مع تحيات

عمر سعيد المعمور

 

           

 

*

برعاية: شبكة حضرموت العربية | ملتقى حضرموت للحوار العربي | استريو الأغاني والأهازيج والرقصات الشعبية

شبكة حضرموت | ملتقى حضرموت | مركز رفع الملفات | الفيديو | البوم الصور | سوق البيع والشراء | العاب بنات | منتديات | عالم حواء | شات